دوار العمده بقلم حبيبه الرحمن
اريح شوية ياامه
سعديه طيب ياابني ناملك شوية اكون خلصت الأكل
قشري البطاطس ياهنادي علشان اعملها في الفرن
كامليا هو وائل ماله ياخالتي شكله متغير
سعديةمعرفش يابنتي جيته فجأة قلقاني خاېفة يكون اټخانق مع صاحب المصنع ماانتي عارفه وائل حمقي شوية
كامليا طيب ياخالتي انا وطيت علي الرز همشي انا بقي
سعدية تمشي من غير متاكلي
سعديةطيب خدي فطيرة لامك وسلميلي عليها وعدي في طريقك علي خالتك ثناء اديها الفطير ده الواد فتحي راح ومرجعش تاني
كامليا حاضر ياخالتي فتوكو بعافية
سعدية شهلي يا هنادي ابوكي زمانه جاي من الغيط
في منزل آخر وهو منزل العمده الذي يختلف كثيرا عن منزل كامل الفلاح البسيط
المنزل به خمس طوابق
الطابق الثاني عبارة عن شقة كبيرة تحتوي علي غرفة للعمدة وزوجته وغرفة لبنات العمده المتزوجات وغرفة لابنته الصغرى الغير متزوجة وغرفة لطارق ابن العمدة
طارق مدرس لغة انجليزية في احدي المدارس الخاصة بالقاهرة يأتي الجمعه والسبت من كل اسبوع
الطابق الثالث شقة محسن متزوج من ابنة عمه
الطابق الخامس شقة طارق غير متزوج
علي السفرة يجتمع
العمده حامد مع أولاده
محسن وسعيد ونرمين وزوجته الحاجة أمينه
العمده يرفع كم جلبابه لياكل
حامد لمحسن الابن الأكبر هو طارق اخوك متصلش بيك النهاردة
محسن لا ياحاج عايز منه حاجة اقولهاله لما يتصل
حامد لا ياابني انا كنت بطمن عليه مجاش الأسبوع اللي فات متعرفش هيجي الاسبوع ده ولا ايه
أمينه الام متسيبوا ياحاج براحته هو يعني هيجي كل أسبوع المسافة بعيدة عليه وبيجي تعبان ويقضي الأجازة كلها نوم
سعيد أهو لما يجي كل أسبوعين كده احسنله هيبقى مستريح
شوق زوجة محسن علي فكرة يا مرات عمي البت سعاد خدت الزبدة النهاردة من غير متديني
ولا جنيه وقالت لما تبيعها هتجيب الفلوس
الحاجة أمينه معلش يابنتي أهي بت غلبانه بتجري علي كوم عيال وجوزها صحته علي قده
العمده حامد هي البت خدت الزبدة من غير فلوس هي قالت هتبيعها وتجيب فلوسها
محسن أهو قلبك الطيب دا يا حاج اللي مطمع الناس فينا وياريت عينهم شبعانه لأ كل ماتديهم يطلبوا اكتر
هدى زوجة سعيد انا هطلع انام تصبحو على خير
سعيد وانا كمان تصبحو علي خير
نرمين الابنه الصغري كنت عايزة اروح مع طارق مصر لما يجي الاجازة الجايه اشتري لبس ليه من هناك ياابه
نرمينبيقولوا اللبس حلو قوي في مصر ياابه
شوق زوجة محسن بضيق وانا كمان يا محسن كنت عايزة اشتري هدوم ليه وللعيال هبقي اروح مع نرمين
نرمين بضيق تيجي معايا طب انا هبات مع اخويا انتي هتباتي فين يا شوق
محسن نرمين معاها حق يا شوق ميصحش يعني
شوق ماشي يا ابو عيالي ما هو انا كده كل مطلب منك حاجة تحجج علي العموم تصبحو علي خير
نرمين انا مش عارفة مراتم غيرانه منى ليه كل مااطلب حاجة أو أعوز حاجة تقلدني
العمده حامد عيب يا بنتي كده
نرمين ماانا ياابه مش فاهمه يعني هي مش من سني علشان الغيرة دي
الحاجة أمينه عيب يا نرمين وقومي نادي رسميه تيجي تشيل الأكل
يقوم العمده ومحسن يغسلوا ايدهم وتطلع نرمين غرفتها
يقعد العمده في مكان في المنزل مخصص ليه ولاهل بيته
الحاجة امينه انا بقول ياحاج ندور لطارق علي عروسة
محسن ههههه تدوروا تلاقيه دلوقتي دور واتفق كمان
الحاجة أمينه ليه هو قالك حاجة
محسن لأ بس يعني انا بقول بقالوا كام سنه في مصر اكيد يعني حب واحده هناك
الحاجة أمينه لأ بنات مصر لأ
العمدة حامد القلب ومايريد يا أمينه هو انتي اللي هتختاري
أمينه ايوه انا اللي هختار زي مااخترت لمحسن وسعيد
محسن يحاول يداري ضيقة وزين مااخترتي ياامه
الحاجة امينه شوق وهدي بنات حلال ميتخيروش عن اخواتك البنات أدب وأخلاق وبنات أصول
في منزل كامل
وائل يقوم من على الطبليه الحمد لله
سعدية كمل أكلك ياابني الأكل قدامك زي ماهو
وائل كلت ياامه
كامل مالك يا ابني في حاجة عايز تقولها
وائل هو في موضوع كده عايز افتحكوا فيه بس شوية لما هنادي تخلص أكل وتقوم تعمللنا الشاي
هناديانا أكلت الحمد لله
كامل تعالى معايا جوه نتكلم
سعديه وانا هشيل الأكل واحصلكوا
كامل يدخل الغرفة أدخل باابني وقولي مخبي ايه عني
وائل بصراحة كده يابابا انا نويت اتجوز
كاملههههههههه حلوه بابا دي ومين بقي العروسة
تدخل سعدية بفرحة ياالف نهار ابيض ازغرط ولا ابل الشربات
كامل متستني نشوف مين العروسة الأول
سعدية العروسة معروفة هو في غيرها
وائل بس انتي متعرفهاش ياامه
سعدية بفزع يعني ايه ياابني
وائل يعني مش اللي في بالك
سعدية پغضب وبنت خالتك اللي موقف حالها بقالك اكتر من خمس سنين
وائل انا مقولتش ليها متتجوزش
سعديةكامليا كانت بترفض كل العرسان اللي اتقدملوها علشانك
كامل بس دا يبقي غدر ياابني
سعدية آه وانت عارف إن الغدر مصېبه
وائل انا لا كتبت كتابي عليها ولا حتي لبستها دبله
سعدية والبت ياحبة عيني زي اللي قلبها حاسس عماله تسألني عليك طول النهار ومسبتنيش قعدت تعمل معايا الأكل ومعشمه فيك وفي الآخر تغدر بيها
وائل بس انا بحب واحده ووعدتها بالجواز
سعدية ومين بقي المحروسة
وائل بنت صاحب المصنع اللي شغال فيه
سعدية تصرخ يالهوي وكمان من مصر
وائل ومالهم بنات مصر ياامه
سعدية ملهمش يا ضنايا بس اللي من مصر دي هتيجي
تعيش في الفلاحين ولا تقعد يوم والتاني وبعدها تقولك انا مش طايقة العيشة هنا يا وائل من الدبان والناموس وصوت الضفادع باليل
كامل أمك معاها حق ياابني
وائل ومين قاللكو انها هتعيش هنا
سعدية ايه هتشتريلها شقة في مصر منين ياضنايا ولا هي اللي هتصرف عليك من فلوس أبوها يا باشمهندس
كامل بلاش منها الجوازة دي ياابني
وائل انا اتفقت مع أبوها وهو شرطة انكو تكونوا موافقين وتحضروا معايا الخطوبة
كامل انت مرتب بقي لكل حاجة وجاي تاخد رأينا في ايه
سعدية انا هطلع انام قبل ميحصلي حاجة
كامل استني ياام هنادي خديني معاكي
في الصباح في منزل كامل
تخبط كامليا علي الباب تنزل هنادي تفتح
كامليا ببتسامة ايه يابت دا كله نوم
هنادي قولى صباح الخير الأول
كامليا تدخل وتنظر للغرف صباح الخير يااختي
تقرب من ودن هنادي هو وائل صحي ولا لسه
هنادي سمعت امي الصبح بدري بتصحيه وبتقوله لما تصحي روح لابوك علي الغيط
كامليا اومال فين أمك
هنادي نايمه
كامليا مش عوايدها يعني بقولك ايه متيجي نمشي رجلينا لحد الغيط
هنادي بمكر الجو حر النهاردة
كامليا احنا لسه الصبح تعالي نشم شوية هوا
تدخل هنادي غرفة سعدية
هنادي أمه أنا رايح انا وكامليا الغيط مش عايزة مني حاجة
سعدية خدي شاي وقزازة مياه معاكي
هنادي حاضر
في الطريق لأرض كامل تقابل هنادي وكامليا مروه صاحبة هنادي
مروة ازيك يا هنادي محدش شافك من آخر يوم في الإمتحانات
هنادي أهو قاعدة في البيت انتي عامله ايه
مروة بخير ازيك يا كامليا
كامليا
ازيك يا مروة انتي اتخطبتي الف مبروك
مروة آه اتخطبت لابن عمي وفرحي بعد شهر
هنادي والمدرسة! انتي مش ناويه تكملي
مروة ابويا قالي كفاية كده المهم انك بتعرفي تقري وتكتبي علشان تعلمي عيالك
هنادي وابن عمك واخد ايه
مروة مدخلش مدارس
هنادي وايه اللي غاصبك علي كده
تقرصها كامليا مش يلا بينا احنا الشاي هيبرد
هنادي الف مبروك يا مروة ابقي اعزمينا علي الفرح
مروة حاضر يا حبيبتي عقبالك
يكملوا طريقهم
هنادي ايه يا بت الغباء ده حد يقرص كده
كامليا علشان تحاسبي علي كلامك مالنا احنا تتجوز متعلم ولا مبيفكش الخط خليكي في نفسك
يقرب وائل منهم ببتسامة تعبين نفسكو ليه
كامليا ببتسامة تعبك راحة يا ابن خالتي
هنادي بغمز هروح اشوف ابويا بيعمل ايه في الأرض
كامليا عامل ايه يا وائل
وائل كويس
كامليا مقولتش يعني إنك جاي
وائل أصلي جاي وماشي علي طول
كامليا ابه! دي امي عزماك علي الغدا
واءل مش هينفع انا ماشي آخر النهار
كامليا شكلك متغير في ايه
وائل بصراحة الشغل مش جايب همه ولو فضلت كده مش هعرف اتجوز
كامليا ولا يهمك انا راضيه لو حتي اوضة وصاله انا موافقة
وائل بضيق كامليا مش هينفع انا
تقاطعه كامليا خلاص مش عايزة بيت هعيش مع خالتي هي بردو زي امي وهشيلها جوه عنيه
وائل كامليا اسمعيني أنا ظروفي متسمحش
كامليا اقولك مش عايزة لا شبكة ولا حتي اوضة نوم هعيش في بيتك زي ماهو
وائل بصراحة أنا خطب الاسبوع الجاي
كامليا بفرحة يعني خلاص نويت أخيرا
وائل هتصل بجوز خالتي اعزمه ولازم تيجي معاهم
كامليا أجي أجي فين
وائل كامليا أنا عايزك تفهميني أنا مش هقدر اتجوز
كامليا برعشة في صوتها بس هتقدر تتجوز غيري صح
وائل يا بنت الناس أنا مش عايز اظلمك معايا
كامليا بدموع ياااااااه كل دا ومش ظلمتني
وائل ربنا يسعدك مع واحد يقدرك ويصوم
كامليا شكرا ياابن خالتي علي الدعوة الحلوه ديه
هنادي تقرب منهم ابويا قشر كام كوز درة تعالى ۏلع بقى علشان نشويهم يا وائل
تتركهم كامليا وتذهب
هنادي استني يا كامليا بت استني مالك
كامليا تسرع في خطواتها وتذهب
هنادي في ايه يا وائل كامليا مالها انت زعلتها
وائل انا مروح علشان اغير هدومي وارجع مصر
في منزل علي والد كامليا
علي شهلي يا صفية شوية الانفار في الغيط عايزين يفطروا
صفيه خلاص خلصت تعالي شيل الصنيه
علي هي كامليا فين مش سامع ليها صوت
صفيه راحت عند هنادي
علي انا مش منبه عليكي قبل كده لما يكون ابن اختك هناك مترحش
صفيه هي يعني بتقعد معاه هي مبترحش غير علشان هنادي
علي وانامقولتش حاجة بس هما هيفكروا إننا بعتينها علشان ابنهم هناك وخصوصا إنه متكلم عليها يعني ميصحش
تنظر صفيه ناحية الباب أهي جات اهه
علي مالك يابنتي انتي معيطة
كامليا لا ياابه دول شوية تراب دخلوا في عيني
صفيه بمزح ههههههههه ليه كنتي بتلعبي انتي وهنادي في الشارع قربي تعالي لقمي الشاي علشان ابوكي ياخده مع فطور الرجاله
كامليا مش قادرة ياامه انا تعبانه
علي سبيها يا صفية واعمليه انتي وتعالى يا كامليا قوليلي مالك الموضوع مش تراب دخل في
عينك
كامليا مفيش غير اللي قولتهولك ياابه
في المساء
في شقة طارق في القاهرة
طارق في المطبخ التليفون يرن
طارق الو ازيك يا محسن
محسن الحمد لله بتعمل ايه في صوت عندك انت معاك حد في الشقة
طارق لا أنا لوحدي واقف في المطبخ بعمل أكل
محسن ههههه عازب ياعيني
طارق ههههه عايرني بقي
محسنباابني انت عايش ملك لا تصبح بحد يعكنن عليك ولا ترجع من شغلك تلاقي واحده مقبالك ببوز ينكد عليك
طارق هههههه ايه ياعم ده مش للدرجة دي يعني
دي احلي حاجة ترجع من شغلك تقابلك حبيبتك ببتسامة تنسيك تعب اليوم كله
محسن هههههههه يا عم سيبك من الأفلام العربي دي وخليك في الواقع
طارق المهم قولي ابويا وأمي عاملين أيه
محسن بخير بيسألوا عليك ايه مش جاي الاسبوع دا كمان ولا ايه
طارق جاي إن شاء الله خلاص بقي إمتحانات الدور التاني هتخلص بكره
