قصه مشوقه

وقامت بتصويرها وإنزال صورها على مواقع التواصل الاجتماعي والمواقع الخاصة بالاجارات والبيع والشراء
خلال ذلك الاسبوع تقربت ليلى من أنس ووعدته ببعض الوعود كزياده لمرتبه وتعديل منصبه لمنصب اعلى وقامت بتعيين سامح فى الشركه فى قسم المحاسبه
وعند ساره اتى بعض الأشخاص لمشاهده الشقق واعجبتهم وقاموا بايجار البعض واستطاعت ان تبيع بعض الوحدات
بشكل ما اصبحت المنطقه التى تسكن بها ساره منطقه حيه ببعض الأشخاص واستغلت خبرتها في العمل فى شركه التسويق واصبحت تنشر إعلانات بشكل مميز وتستغل مميزات المكان وشكل العقار الخارجى ولم ينتهى شغلها على اعلانات العقار الخاصة بمنطقتها فقط بل ارسل لها بعض الاشخاص الاخرين معلومات لعقاراتهم لكى تقوم ساره بالترويج لها واخذ عموله على كل منزل تقوم ببيعه او ايجاره
بدأ اسبوع جديد على الجميع حيث قام ادهم بالسؤال عن المنطقة الت تسكن بها ليلى وتأكد من صدق كلامها ولكن بداخله شك بسيط عن قصه ليل التر كانت تحدث ساره 
فى الأسبوع الجديد 
استدعت ليلى انس ف مكتبها لكى تبشره بترقيته وزيادة مرتبه . دخل انس المكتب عند ليلى 
انس ليلى ازيك عامله ايه 
ليلى انت عامل ايه يا أنس
انس بخير طول مانتى بخير 
ليلى انا وعدتك بإيه 
أنس ترقيه قالها بتوجس 
ليلى طبعا يا انس هتبقى مدير الحسابات هنا فى الشركه وهيكون سامح الموظف الجديد المساعد بتاعك وطبعا المنصب الجديد لازم يكون بمرتب اعلى صح ولا ايه 
أنس انتى بتتكلمى بجد يا ليلى 
ليلى طبعا يا انس انت ماتعرفش غلاوتك عندى عامله ازاى لو بس تعرف مش هتستعجب كده 
أنس حس إن ممكن تكون ليلى بتحبه عشان كده بتعمل معاه كده وقرر إنه يستغل الوضع وطبعا اكيد ليلى هتبقى زى اختها ويكسب هو كل حاجه في الآخر
انس بقولك يا ليلى بالمناسبة الحلوه دى انا عازمك على الغدا بره 
ليلى انا اسفه يا امس بس انا مش باكل اكل من المطاعم مهما كان مستواها 
أنس طيب لو عزمنك عندى فى البيت توافقى ولا هيكون فى حساسيه من مراتى 
ليلى لأ طبعا مافيش حساسيه اكيد حقك انك تتجوز وتخلف انا فضلت عايشه في أمريكا فنره طويله يعنى مش هبقى معقده ولا اقولك اتجوزت بعد اختى ولا الكلام القديم ده 
أنس خلاص بكره بعد الشغل نروح سوا تكون نجوى جهزت الغدا 
ليلى انا معنديش مشكله اتمنى نوجه هى اللى مايكنش عندها مشكله 
أنس لا ماتقلقيش
ليلى بصتله وضحكت أنها أخيرا هتدخل بيت انس وتبدأ اوى تانى خطوه واللى هتكون فارقه معاها فى كل اللى جاى
اتصلت ساره على ليلى كى تدعوها للغداء معها وكى تشكرها على مافعلته مع زوجها 
ليلى ازيك يا ساره عامله ايه
ساره الحمدلله بقولك يا ليلى اعملى حسابك هتتغدى معانا انهارده
ليلى لا يا حبيبتي مالوش داعى بصراحه من ساعت مارجعت وانتى مغرقانى جمايل 
ساره عيب ماتقوليش كده وبعدين دى حاجة بسيطه يعنى بمناسبة الشغل الجديد بتاع سامح 
ليلى حاضر يا ستى هعدى عليكى بعد الشغل 
انتهى يوم العمل فى الشركه وخرجت ليلى وقامت باستدعاء سياره من خلال إحدى الابلكيشن 
واثناء انتظارها وجدت سياره فخمه وقفت امامها 
نظرت ليلى للسيارة ووجدت ادهم يقوم بفتح زجاج السيارة
ادهم مستنيه حاجه
ليلى اه كلبت عربيه ومستنياها توصل 
ادهم اركبى هوصلك 
ليلى لا شكرا مش عايزه اعطلك
ادهم اركبى كده كده انتى فى طريقى مافيش عطله 
ركبت ليلى مع ادهم 
ليلى متأكد انى مش هعطلك 
ادهم متأكد اه بس قوليلي ينفع أسألك ناويه تعملى ايه مع أنس او ايه الخطه كامله 
ليلى صعب اقولك لانى لسه محطتهاش كلها وممكن تحصل حاجه تخلينى اعدلها بس لحد دلوقتي ماشيه زى منا عايزه
أدهم عموما لو احتاجتى حاجه انا موجود
ليلى ميرسى لحضرتك
قام أدهم بتوصيل ليلى لمنزل ساره واستقبلتها ساره بحفاوه 
وقامت بتحضير الغداء على السفره وانتظرت الى ان ياتى سامح لكى يتناولوا الطعام 
دخل سامح وقاموا بتناول الطعام والتحدث عن بعض الأمور العامه اثناء الطعام 
انتهى الكعام وقاكت ساره بتحضير مشروب يتناولوا بعد الغداء وجلسوا فى الصالون 
سامح شكرا يا ليلى بجد الشركه دى مش الشركات الكبيرة اللى مش بتوظف اى حد بسهوله
ليلى انت مكافح يا سامح وانا واثقه انك هتثبت نفسك بس انا ليا عندك طلب انت عارف انتك متعين كؤقتا سكرتير المدير المالى انس 
سامح مش ده اللى كان متجوز اختك 
ليلى هو اولا انا عايزه اقولك ان مكانك محفوظ في الشركه مش وضع مؤقت بس انا خايتك المساعد ليه انت بذات عشان انا بثق فيكوا انت وساره وعارفه انك هتساعدنى 
سامح اه طبعا اتفضلى 
ليلى بص يا سامح عايزاك تراقبلى أنس كويس وتخليه يثق فيك كويس اوى 
سامح طيب انتى ناويه على ايه 
ليلى هقولك كل حاجه بوقتها بس الفتره دى اللى يهمنى انه يثق فيك وبعدها هقولك تعمل معاه ايه 
سامح زى ماتحبى 
ذهبت ليلى إلى شقتها ووجدت مكالمه فائته من أنس ثم عاودت الإتصال به 
ليلى ازيك يا أنس
أنس انا بتصل عشان ااكد عليكى معاد بكره 
ليلى متأكد انى مش هبقى ضيفه تقيله عليكوا
أنس لأ طبعا ده لو ماشلتكيش الارض اشيلك انا على راسى 
ليلى عارف يا أنس طول عمرى شايفاك راجل اصيل استحملت اختى فى مرضها وانا عارفه ومتأكده انها أكيد كانت عبء عليك فى المصاريف بسبب ادويتها حرمت نفسك من الخلفه عشان ماتجرحهاش ويوم ماتجوزت عليها عشان تخلف وده حقك هى رفضت المفروض انها عارفه وضعها ومكنتش تزعل من كده 
أنس عندك حق يا ليلى مش كل البنات بعقليتك دى 
هو انتى اتجوزتى او ارتبطى 
ليلى لأ طول عمرى بدور على واحد ابن اصول يمسك الشغل بدالى ويريحنى حد أقدر اثق فيه بس للأسف ملاقتش حد ممكن اثق فيه نهائى اللى طمعاه فى فلوسى واللى طمعاه فى جسمى لكن انا كليلى ملقتش حد يحبنى ويبقى امين عليا زى مانت كنت امين على اختى كده
أنس عارفه يا ليلى لو ليل مكنتش مريضه عمرى ماكنت افكر اتجوز ابدا او اسيبها 
ليلى طبعا يا أنس انا واثقه فيك عشان كده حطيتك في المنصب الحساس ده ومش بس كده خليت المساعد بتاعك كمان موظف جديد عارف ليه عشان لو حد قديم هيبقى عايز ياخد مكانك ويصطادلك اخطاء انما سامح جديد لسه ماعندوش انتماء لحد معين عشان كده عايزاك تقربه منك ويبقى فى صفك ويبق عنينا جوه الشركه انا معرفش حد غيرك هناك أقدر اثق فيك يا أنس
أنس طبعا يا ليلى وهتشوفى إن انا فعلا اد الثقه دى ودايما فى ضهرك ومش هسيبك أبدا
ليلى وده مش هيضايق مراتك ولا يعملك مشاكل انا مش عايزه اعملك مشاكل يا أنس
أنس كل حاجه فداكى يا ليلى ياريتنى كنت عرفتك انتى الأول واتجوزتك انتى 
ليلى بتمثيل الكسوف انس انت بتقول إيه محڼا كنا قدامك زمان احنا اللتنين وانت زيك زى غيرك فضلت اخت عليا عملت زى بابا وماما حبتها هى وانا لأ دايما كانت هى اللى على الحجر وانا موجوده بس بديل ليها 
أنس إحنا فيها يا ليلى تعالى نرتبط وأنا اعوضك عن كل اللى فات 
ليلى طيب ومراتك
أنس مالها 
ليلى هتقبل بكده ولا أنت ناوى ترتبط بيا فى السر 
أنس لأ طبعا بس ادينى وقت أعرفها
ليلى أنت بتحب مراتك 
أنس سكت شويه . كنت يا ليلى كنت مكدبش عليكى الأول كانت مهتميه بيا وبالبيت وبنفسها كنت عايش جو الاسره وكنت حابه اوى انما دلوقتي لأ بقت انسانه ممله و اهملت نفسها وجسمها مبقتش دى نوجه بتاعت زمان 
ليلى خلاص يا أنس انا هاجى بكره اتغدى معاكوا وأشوف مراتك شكلها ايه بس لو زعلتنى ولا ضايقتنى اعمل ايه وقتها بقى 
أنس لو قالتلك كلمه زعلتك هاخدلك حقك وقتها وهتشوفى 
ليلى خلاص با أنس بص انا هديك فترة الأول إختبار اشوفك هتقدر تعوضنى فيها فعلا وهتكونلى سند ولا كلام بس 
أنس اتفقنا يا ليلى وهتشوفى انى هكون العوض اللى بجد 
انتهت المكالمه والفار وقع في المصيده أسرع مما تخيلت
صباح جديد لليلى قامت من نومها وارتدت فستان قصير اسفل الركبة وارتدت كولون اسفله وبوت طويل وقامت بفرد شعرها ووضع مساحيق التجميل بشكل احترافي
وصلت
ليلى الشركه وذهبت لمكتب ادهم وقامت السكرتيرة بادخالها فورا 
ليلى صباح الخير
ادهم صباح النور
ليلى باكد معاك معاد انهارده كمان ساعه هيكون الاجتماع مع العميل الجديد
أدهم فاكر ماتقلقيش
ليلى العميل ده جاى من أمريكا مخصوص بعد ما سمع خبر الدمج دى علامه كويسه على نجاح الدمج 
أدهم خير بإذن الله
دخلت ليلى مكتبها ووجدت السكرتيرة الخاصه بها تبغلها بوجود انس يريد مقابلتها وافقت ليلى ودخل أنس
أنس صباح الخير مقدرتش استنى لآخر اليوم عشان اشوفك 
ليلى صباح النور عامل ايه
أنس بقيت بخير أول ما شوفتك 
ليلى بعدين هصدقك 
أنس صدقى يا لولو صدقى وانا هخليكى تتاكدى بنفسك
ليلى خلاص ماشى هسيبلك نفسى ورينى هتاكدلى ازاى . بص انا بجهز دلوقتي لاجتماع مع عميل امريكى لو الصفقه دى تمت الشركه هنا هتكون فى حد تانيه لان المعامله هتكون بالعملة الصعبه 
اوعى تقول الكلام ده لحد 
أنس لأ طبعا انا مسمعتش حاجه
ليلى خلاص امشى دلوقتي وهقبلك اخر اليوم استنانى اخر الشارع هقابلك هناك
أنس وليه منخرجش سوا 
ليلى عشان الموظفين محدش يشك واحنا مافيش بينا حاجه رسمى 
خرج انس وابتدا الاجتماع وبالفعل تمت الصفقه ودى كانت اول صفقه تتم فى الشركه ويكون التعامل بيها بالعملة الصعبه 
انتهى اليوم وبالفعل قابلت ليلى انس وذهبت معه للمنزل واتعرفت على زوجته وأولاده
نجوى زوجه متسلطة تريد ان يكون كل شئ كما تريد كانت زميلت انس فى الجامعه وهى من جعلته يتزوج ليل لانها كانت تعلم جميع ظروفها وهى من وضعت الخطه واستخدمت أنس لتنفيذها لانها كانت تغير من جمالها وعندما علمت بوجود ليلى تزكرت ليل وقررت ان تكرر اللعبه مره اخرى لكنها لا تعلم ان السحر سوف ينقلب على الساحر 
دخلت ليلى منزل نجوى وسلمت عليها وعلى الاولاد لكنها تعاملت مع نجوى بتعالى ملحوظ 
وضعت نجوى الطعام وتناولت ليلى القليل القليل جدا 
انس ايه يا ليلى الاكل مش عجبك 
ليلى بصراحه يا سامح انت روحك حلوه هو ده الاكل اللى بتاكله كل يوم وبعدين ايه منظر مراتك ده وايه الأوكسجين اللى ضاړبه شعرها بيه ده كنت فاكره بصراحه ان زوقك أفضل من كده 
نظر أنس لنجوى وبالفعل وجد ان ليلى عندها حق فيما تقوله 
انتهى الغداء وجلس الجميع فى الصالون واخرجت ليلى كيس بن واعطته لنجوى وقامت بحدفه لها على الطاوله الصغيرة الخاصة بالمشروبات 
ليلى بقولك يا نجوى عايزه اشرب قهوه بس من البن ده وبصت لانس اصل ده مخصوص انا حايباه معايا من امريكا هيعجبك أوى
أنس ادخلى يا نجوى اعمل اللى ليلى عايزاه 
ليلى انا بشربها على الريحه 
دخلت نجوى وهى تكاد ان ټموت غيظا من معامله ليلى لها واهتمام انس بليلى 
دخلت